Tuesday, August 05, 2008
Davao: Hall of Justice sa Isulan naabo (12:35 p.m.)
MINILYON ang danyos human nasunog ang dakong gambalay sa kagamhanan didto sa Isulan, Sultan Kudarat Province Lunes sa kagabhion.
Sigun sa taho gikan sa Sultan Kudarat Police Provincial Office nga banda alas 7:40 sa gabii, Agosto 4, kalit mikaylap ang dakong kalayo sulod sa Hall of Justice sa Old Capitol Compound sa Barangay Calawag, Isulan.
Dali nga nagresponde ang mga kabomberohan gikan sa siyudad sa Tacurong ug mga kasikbit dapit apil na ang Isulan Fire Bureau apan wala na gyud matabang ang naasoy nga buhatan gumikan sa kadako sa kalayo ug hinimo pa kini sa mga kahoy. (Sun.Star SuperBalita Davao/Sunnex)
|
