Tuesday, August 05, 2008
Gensan: Sakop sa media, gipusil (12:42 p.m.)
USA ka sakop sa media ang gipusil sa wala pa mailhing mga suspek samtang naglakaw sa National Highway sa Barangay Lagao, alas 4:30 sa hapon, Lunes.
Ang biktima mao si Dennis Cuesta, 38, minyo, program director ug anchorman sa programa matag 6 ngadto sa alas 8 sa buntag nga "Straight to the Point" sa dxMD-RMN Radyo Gensan.
Nasayran nga ang biktima kauban sa mga kawani sa RMN ug IFM sa gihimong promo campaign ngadto sa duha ka mga lungsod sa Glan ug Malapatan. Apan dihang nakabalik na sila sa dakbayan, nanaog si Dennis uban ang iyang higala nga si Bobby Flores sa National Highway aron mohapit sa Gaisano Mall kay buot mohigop og init nga sabaw. Apan samtang nagbaklay, gipusil si Cuesta.
Matud pa ni Flores nga kalit lang nagsunod kanila ang usa ka single nga motorsiklo nga gisakyan sa tulo ka mga lalaki ug way daghang istorya gipusil si Cuesta. (Sun.Star SuperBalita General Santos/Sunnex)
|
