Friday, August 22, 2008
Davao: 4 ka bakwet igo sa bomba (3 p.m.)
DAVAO-- Upat ka mga evacuees ang na-igo sa pagpamomba sa Moro Islamic Liberation Front (MILF) didto sa Guindulungan, Maguindanao Province.
Ang kapulisan nag-ila sa mga biktima nga sila Tumindig Mamaluba, Saliman Gyamil, Intang Malang ug Amiril Usop.
Sumala sa taho gikan sa Maguindanao Police Provincial Office, nasayran nga banda alas 6:40 sa gabii, Agosto 21, samtang nanga-on ang mga biktima sulod sa evacuation center sa Poblacion, Guindulungan, kalit lamang mi-tugpa ang bala sa 60 mm mortar nga gi-pabuto sa mga sakop sa MILF, nga miresulta sa pagka-angol ang mga biktima.
Dali sila nga gi-dala sa mga miresponding pulis sa Cotabato Regional and Medical Center ug anaa karon sa talandugong kahimtang ang mga naasoy nga evacuees. |
