Friday, August 22, 2008
PNP nag-warning nagapalapta bomb threat sa text message (3:05 p.m.)
KORONADAL CITY -- Gin-warningan sang mga otoridad dire nga indi magpati-pati dayon sa nagalapta nga mga text message nga nagapa-andam sa ila nga may napulo ka bilog nga mga bomba ang gintanom sa nagkalain-lain nga mga parte sang siyudad.
"Huwag kayo maniwala kaagad. Huwag din kayo agad mag-panic. You verify it firsts to the police. Walang sampung bomba na itinanim dito sa Koronadal City," siling ni South Cotabato police director Senior Supt. Robert Kiunisala sa cellular phone interview sa iya sang SuperBalita.
Nag-panic na ang mga pumuluyo, ilabi na ang mga magtutudlo sang publiko nga mga eskwelahan, sang maglapta na ang nasambit nga text message kahapon nga adlaw.
Pero, suno pa kay Kiunisala, gilayon naman nga naghimo sang advisory ang city police station nga pagpatihan ang amo nga mga text message sa rason nga "gawa-gawa lang nga mga taong mahilig manloko."
|
