Thursday, September 04, 2008
Davao: 8 balay naugdaw (2 p.m.)
DAVAO CITY -- Walo ka mga pinuy-anan sa South Bay, Barangay Lapu-Lapu, Agdao, dakbayan sa Davao ang naugdaw human gilamoy sa dakong kalayo niadtong Miyerkules sa gabii.
Ang impormasyon nga nakaabot sa Superbalita nagbutyag nga nagsugod ang kalayo mga alas 8:00 sa gabii.
Si Barangay Kapitan Julito Icoy, nagtug-an sa Superbalita nga didto nagsugod ang kalayo sa pinuy-anan sa iyang Lupong Tagapamayapa nga si Pepe Basirel.
Di pa kompirmadong taho nagbutyag nga electrical short circuit ang hinungdan sa pagdilaab sa kalayo apan padayon pa kining giimbestigahan sa mga imbestigador sa Bureau of Fire Protection.
Bisan ginama sa semento ang ubang mga balay apan adunay mga ginama sab sa kahoy ug medyo dikit-dikit sab ang pagkaplastar, dali rang mikaylap ang kalayo sa mga kasilinganan. (Super Balita Davao) |
