Saturday, September 06, 2008
North Cotabato: 1 patay sa baha (1:20 p.m.)
USA na ang patay sa padayong pagbaha didto sa M'lang, North Cotabato nunot sa kusog nga pagbundak sa ulan.
Dise sais na usab ka mga panimalay ang nangaguba.
Ang kapulisan nag-ila sa hingkabsan sa kinabuhi nga mao si Romy Replo, 39 anyos, minyo ug molupyo sa barangay Pulang Lupa sa M'lang.
Amg M'lang Municipal Mayor Lito Piņol nagkanayon nga onse na ka mga barangay ang naapektohan, diin minilyon na ang danyos ngadto sa mga pananom, proyekto sa gobyerno, kahayupan ug uban pang mga kabtangan.
Gideklara na ilawom sa state of calamity ang lungsod sa M'lang gumikan sa kadaghan sa mga nawad-an sa ilang mga pinuy-anan.
Mga apektadong residente mao karon ang gitutokan sa mga lokal nga opisyal aron sila matabangan. (Edgardo Fuerzas/Sun.Star Super Balita Davao) |
