Wednesday, October 15, 2008
Patay naglutaw sa dagat (1:52 p.m.)
USA ka patay nga lawas sa lalaki ang nakaplagang naglutaw-lutaw sa dagat didto sa Barangay Punta Piape, lungsod sa Padada, Davao del Sur, Lunes sa hapon.
Hangtod kagahapon wa pa'y miangkon sa lawas sa biktima nga adunay gibana-banang gitas-on nga lima ka tiil ug lima ka pulgada, ug anaa sa hustong panglawas.
Nakurat ang mga mananagat sa lugar dihang nakit-an nila nga gianod-anod sa tubig balod nga nagsuot lamang og kolor itom nga sweatshirt ug blue nga short pants.
Nagkagubot sab ang mga molupyo sa lugar tungod kay dihang gihayang na ang patay'ng lawas kay human gihiling, nasuta nga nabulit sa mga bun-og ug nahiagom sa samad pinusilan ang agtang. (Orlando B. Dinoy/Sun.Star SuperBalita Davao) |
