10 anyos gitabangan og lugos

NAGPATABANG sa kapolisan ang lola uban sa 10 anyos nga apo niini kinsa giingong gitabangan og lugos sa duha niini ka mga silingan sa Barangay Dansolihon, ning siyudad sa Cagayan de Oro.

Ang biktima taguan lamang sa pangalan nga Lelet ug gitumbok nga suspetsado mao sila si Allan Alma ug Larry Luntapao, pulos hingkod ang edad.

Si Police Officer 2 Elmar Patindol sa Police Station 8 (PS8) sa Lumbia nga nahinabi sa Sun.Star Superbalita niingon nga nahitabo ang pagpanglugos mga alas 3:00 sa hapon sa dapit dihang gipugos ang biktima sa pagpahubo sa duha ka mga lalaki.

Nakuha ang tinguha sa duha ka mga suspetsado human gikumpirmar sa 10 anyos ug gitug-an dayon sa lola niini.

Ang apuhan uban sa biktima ang nagpatabang sa kapolisan gani gihatagan na lamang kini og kawarta alang sa medical examination agi og tabang tungod sa kalisud sa kahimtang sa pamilya.

Apan ang apuhan niini gusto gyod nga masikop sa dili madugay ang niamong-among sa iyang apo tungod kay dili madawat niini ang hitabo.

Wala nasikop ang mga suspetsado human wala na sa dapit ning panahona ug misibat.

Samtang ang biktima giingong dili motingog ning panahona nga posibleng gibati pa niini pag-ayo ang nahitabo kaniya.

Kagahapong adlawa natigayong mahibaw-an ang resulta sa medical examination niini kung positibo ba sa pagpanglugos ang biktima. (Stephanie V. Berganio)