23 anyos gipatay

NAPUNO og tinigbasan ang lawas, giposasan ug gilubong sa mabaw lamang kaayo nga bangag ang usa ka lalaki nga nakaplagan nga patay na nilabayng adlaw sa Barangay Lunao, siyudad sa Gingoog, Misamis Oriental.

Giila sa Gingoog Police Station ang biktima nga mao si Ariel Manzano, 23, minyo, residente sa susamang dapit.

Sa inisyal nga imbestigasyon sa kapolisan nasayran nga adunay gitikad nga umahan ang biktima sa maong dapit apan natingala na lamang ang pamilya niini dihang nawala kini ug wala na makita.

Uwahing nakita sa pamilya niadtong Disyembre 4 ug sugod niadto wala na hinungdan nga gireport kini nga missing.

Apan nadiskubre ang patayng lawas niini human nakabaho ang mga residente sa dili maayo nga baho nga nagikan sa mabaw lamang kaayo nga bangag.

Pagsusi nakita ang lawas sa biktima nga napunod og samad tiningbasan, gihiktan pa og electrical wire ang liog sa biktima ug giposasan pa ang mga kamot niini.

Ang pamilya sa biktima blanko pa sa responsable sa krimen labina nga nailang boutan ug wala kaaway ang biktima sa lugar.

Gipalapdan pa sa kapolisan sa Gingoong Police Station ang ilang imbestigasyon aron masuta ug masayran ang nihimo sa dili tiaw nga krimen. 
 
Blangko pa karon ang kapulisan sa mga responsable ug motibo sa brutal nga pagpatay sa usa ka mag-uuma didto sa Brgy. Lunao, Gingoog City, Misamis Oriental. 

Naila ang biktima nga si Ariel Manzano, 23-anyos, minyo nga residente sa maong lugar. 

Sigon sa report gikan sa Gingoog City PNP, miadto ang biktima sa iyang umahan niadtong December 4 ning tuiga, apan wala na kini maka-uli sa ilang panimalay. 

Human milabay ang pipila ka adlaw, nakita na lamang ang patay'ng lawas sa biktima nga gilubong sa usa ka mabaw lamang nga lubnganan. 
Napuno sa tinigbasan ang lawas sa biktima nga maoy hinungdan sa iyang
kamatayon. 

Gipusasan pa ang mga kamot niini ug gihiktan sa electrical wire ang li-og sa biktima.