Sun.Star modawat ug hinabang alang sa biktima sa bagyo

Wednesday, December 21, 2011

ANG Sun.Star Cagayan de Oro Publishing Inc. ug Sun.Star Davao Publishing Inc. nanuktok na usab sa malumo nga kasing-kasing sa tanang indibiduwal nga buot motabang sa mga biktima sa Bagyong Sendong sa siyudad sa Cagayan de Oro ug Iligan.

Katambayayong sa Sun.Star Davao sa pagpangalap og tabang ang ABS-CBN Sagip Kapamilya.

Have something to report? Tell us in text, photos or videos.

Ang main office sa Sun.Star Davao sa Granland Building nga nahimutang sa dalang R. Castillo sa Agdao bukas sa bisan unsang hinabang sa tanan nga nagpuyo sa norte nga bahin sa siyudad.

Mamahimong makontak ang among buhatan sa telepono numero 235-1004 hangtud 07.

Mga molupyo sa habagatang bahin sa siyudad mamahimong ihatud ang inyong hinabang sa ABS-CBN station sa Shrine Hills, Matina.

Ang buot motabang nga anaa nahimutang sa downtown area mamahimong dalhon ang hinabang sa sales office sa Sun.Star Davao didto sa Door 2 sa Krisfer Twin Alley Arcade, dalang Ponciano Reyes atubangan sa Kapitan Tomas Monteverde Central Elementary School tapad lang sa barangay hall.

Mamahimong mokontak sa telepono numero 227-9971.

Samtang alang sa gustong mopaabot og hinabang pinaagi sa Sun.Star Cagayan de Oro, ihatod lang ang bisan unsang inyong mahuna-hunaan nga importante sa mga nabahaan sama sa sinina, tubig, pagkaon ug uban pa sa mismong buhatan sa Waterliving Complex, door 1, Julio Pacana St., Cagayan de Oro City o tawag sa telepono 856-8549. (SVB/Sunnex)