P70M alang sa mga biktima sa Sendong gipanghatag na

Friday, February 3, 2012

GIPAHIBALO ni Cagayan de Oro Mayor Vicente Emano nga nagsugod na sila sa pagpanghatag og cash assistance niadtong mga nabiktima sa bagyong Sendong.

Gibutayag niini sa senimanang programa niini sa usa ka sibyaan sa radyo nga P70 milyones nga pundo ang ilang ipagawas gikan sa calamity fund ug ipanghatag sa mga biktima aron makasugod.

Have something to report? Tell us in text, photos or videos.

Gisugdan ang pagpanghatag og cash assistance kagahapon mga alas 1:00 sa hapon.

Gipasabot ni Emano nga ang mga namatay sa baha adunay madawat ang paryente o nabilin nga pamilya diin P15 mil matag usa ka patay.

Samtang niadtong missing dili pa maapil tungod kay aduna man balaod nga pipila pa ka bulan usa kini madeklarar nga patay.

Niadtong wala pa maila nga mga patayng lawas dili pa usab kini mahatagan.

Si Cresilda Joson kinsa City Administrator nibutyag nga adunay 200 kapin nga naka-kumpleto og requirements labina gyod ang pagpakita og death certificate ang mahatagan og assistance. Matag usa ka patayng lawas makadawat og P15 mil.

Gipasabot nga kung upat sa pamilya ang namatay ug nakahatag og mga requirements sama sa death certificate ug uban pang rekisitos mokabat sa P60 mil ang madawat niini.

Mang-apod apod usab ug cash assistance alang sa partially damaged, washed out nga mga puloy-anan sa pamilya.

Kini nagdepende sa kadak-on ug mga himan nga gigamit pagtukod sa balay.

Adunay makadawat og P300 mil ngadto P500 mil kini nagdepende basi sa pag verify sa puloy-anan.

Ang immediate assistance sa mga igo lang nabahaan mao ang food assistance lamang.

Samtang ang pundo nagikan sa calamity fund sa siyudad sa tuig 2011 ug gikuhaan usab ug gamay nga pundo ang calamity fund alang sa tuig 2012.