Tunghaan giransak

Friday, February 3, 2012

NAGPATABANG sa kapolisan ang usa ka principal human giransak ang tunghaan ug ubay-ubay sa mga butang ang nawala nga nadiskubre nilabayng adlaw sulod sa Indahag National High School sa Barangay Indahag ning siyudad sa Cagayan de Oro.

Ang principal nga mao si Florina Gorres nagpatabang sa Police Station 2 (PS2) sa Cogon nga ang guidance office sa maong tunghaan maoy tumbok sa pagpangransak.

Have something to report? Tell us in text, photos or videos.

Nadala sa mga kawatan ang usa ka DVD nga nagkantidad ug P2,500 mil, external portable hard disk nga P4 mil. Ang computer desktop set nga nakaputos na ug kurtina para maapil ug dala nalimtan sa lamesa.

Nakadiskubre sa insidente mao si Charlotte Daka, ang guidance teacher sa maong tunghaan, niadtong lunes sa buntag 7:30 samtang kamulo pagsugod sa klase.

Nasayran gikan sa principal nga dili lang kini ang unang higayon nga giransak ang maong tunghaan apan tulo na kahigayonan diin ang mga classroom maoy nasudlan.

Nakuha gihapon ang gamit sama sa digital camera nagkantidad ug P5 mil; cash nga 700 gikan sa student savings funds; klase-klase nga school supplies nga nagkantidad ug P1,500 mil.

Ang kaso karon ubos pa sa imbestigasayon sa kapolisan sa PS2. (Raizzel Grece Gayomali, Lourdes College intern)