Libre sa 6 ka bulan

Friday, February 10, 2012

MAKAGINHAWA gamay ang mga biktima sa bagyong Sendong sa ilang mga bayronon susama na lamang sa binulan nga obligasyon sa inutang nga balay.

Kini, human nagpagawas ug direktiba ang satellite office sa National Home Mortgage Finance Corporation (NHMFC) dinhi sa Cagayan de Oro nga mahimo sulod sa unom ka bulan dili una sila mobayad sa ilang binulan gikan sa Enero 2 hangtud Hunyo 2012. Magsugod sila ug bayad sa Hulyo 2012.

Have something to report? Tell us in text, photos or videos.

Gilangkoban kini sa mga apektadong residente nga molupyo sa Gold City, NHA Lourdesville, Villa Nena, Villa Angela, Emily Homes, Scions Executive village sa Barangay Canitoan; Villa Candida, Virginia Homes and Village, Villa Mar, PN Roa, Vamenta Estate, Gokingville; ug sa Bahayan phase two and five sa Iligan City.

Matud sa NHMFC kini nga moratorium makapalu-ag sa kabug-aton sa mga survivors gikan sa nasinati nga katalagman niadtong Disyembre 2011 nga hatud ni bagyong Sendong.

Dugang pa sa NHMFC, ang balanse nga wala mabayari sugod Enero hangtud Hunyo 2012 ipatong sa nahibiling pila ka bulan nga balayronon nga walay penalty ug interest.

Ang mga interesadong residente sa nasangpit nga mga lugar mahimo nga mag-file na ug aplikasyon hangtud lamang Pebrero 29, 2012. Magdala lamang sila ug certification gikan sa barangay chairman, SPAs o deed of sale alang niadtong assumed units; borrowerÆs letter request to employer paghunong sa kaltas sa sweldo gikna Enero hangtud Hunyo 2012 nga pinirmahan sa nangutang, kompirmado sa employer ug sa NHMFC.
Palisiya sa NHMFC: ôno application, no moratorium.ö

For borrowers who shall no longer interested to return to their respective homes/units may opt to voluntarily surrender their properties thru this program, matud ni Leonida Ragmac-Sabio, ang satellite head sa NHMFC-Cagayan de Oro.

Ang NHMFC-Cagayan de Oro satellite nahimutang sa M/F Consuelo building, Corrales Avenue (atbang sa Xavier University), adunay telepono numero 8574255 and 8573951.