Pagasa miisyu og general flood advisory No. 4 sa NorMin

Friday, February 10, 2012

ANG katawhan labina nga nagpuyo sa duol sa mga kasubaan sa tanang probinsya sa Rehiyon 10 ang gipahimangnoan sa posibleng flashfloods.

Kini pahimangno gikan sa Regional Disaster Risk Reduction and Management Council, (RDRRMC) sa Northern Mindanao.

Have something to report? Tell us in text, photos or videos.

Human ang Philippine Atmospheric, Geophysical and Astronomical Services Administration (Pagasa) miisyu og General Flood Advisory No. 4 sa Northern Mindanao alas 9:00 sa buntag niadtong Miyerkules.

Ang Pagasa nagkanayon nga ang kasamtangan nga kahimtang sa panahon nagpakita nga ang Mindanao ug Visayas makasinati og lain-laing pag-ulan ug inubanan sa isolated thunderstorms samtang ang Luzon adunay isolated light rains sa Eastern section.

Ang forecast rainfall sa sunod nga 24 oras nga adunay isolated light rains, diin makaapekto sa mga waterways sa tanang probinsya sa rehiyon nga mao ang Misamis Occidental, Misamis Oriental, Lanao del Norte, Camiguin Island ug Bukidnon.

Niini, ang RDRRMC, region 10, mipahimangno sa katawhan nga nagpuyo sa kabukiran, mga pangpang, duol sa suba nga mag-alerto.

Kini nga mga river systems mao ang mga mosunod: Oroquieta River ug laing suba sama sa Agus River, Liangan River, Maranding River, Mandulog River, Dapao River ug Mataling River sa Lanao del Norte.

Ang Odiongan River, Tagoloan River, Cagayan de Oro River, Manduloy River, Cabulig River ug laing mga suba sa probinsya sa Misamis Oriental. (PIA)