2 laptop gikawat; tag-iya pulos nakatulog

Monday, February 13, 2012

DUHA ka mga insidente sa pagpangawat og laptop ang natala sa kapolisan nga nahitabo sa managlahing lugar kagahapon sa kadlawon ning siyudad sa Cagayan de Oro.

Si Juventino P. Sieras, 49, minyo, taga Upper Carmen ning siyudad ang nakadiskubre mga alas 3:00 kagahapon sa kadlawon nga nawala ang iyang laptop nga mobalor og P24 mil sa iyang pagmata.

Have something to report? Tell us in text, photos or videos.

Dako ang pagsalig niini sa mga tawo nga anaa sa dapit tungod kay kanunay na siya magkatulogan sa maong dapit.

Hinuon giangkon niining apektado siya sa ilimnong makahubog niadtong gabhiona.

Desidido kining paimbestigahan sa mga polis ang hitabo tungod kay dili niini madawat nga nawala iyang mahalon nga butang.

Samtang usa gihapon ka biktima ang nagpatabang sa PS1 sa Divisoria.

Gisaysay ni Shienon Marie Nagalez, 17, taga San Agustin/Pabayo St., ning siyudad nga samtang nakatulog sa iyang girentahan nga lawak namatikdan nga wala na ang iyang laptop sa iyang tapad ug gitouhan niining gikawat.

Nagkantidad og P40 mil ang maong laptop hinungdan sa kabalaka sa 17 anyos. Nahitabo ang insidente kagahapon mga alas 2:00 sa kadlawon. Ang kaso gisunod na sa kapolisan ning panahona. (SVB)