COPC dunay bag-ong mga opisyal

Monday, February 13, 2012

LAING mga opisyal na usab ang gipili sa mokabat 124 ka miyembro sa Cagayan de Oro Press Club (COPC) niadtong Sabado diin gipahigayon ang election sa Buffalo Grill, Velez St., ning siyudad sa Cagayan de Oro mga alas 2:00 sa hapon.

Si Monsignor Elmer Abacahin ang gipiling presidente sa tuig 2012 human kini nakaangkon og mokabat 100 ka boto gikan sa 105 ka mga botante.

Have something to report? Tell us in text, photos or videos.

Si Abacahin maoy hulip sa 2011 president nga mao si Atty. Santiago "Bobby" Goking Jr. kinsa usa ka certified public accountant ug opinion writer sa Mindanao Gold Star Daily.

Laing COPC officers kinsa napili pag-usab sa ilang poste mao si Bingo Alcordo (80 votes), executive vice president; Vic Canabag (53 votes), vice president for broadcast; JB Deveza, vice president for print; Raul Moldez (49 votes), corporate secretary; ug Maricel C. Rivera (82 votes), treasurer; Joey P. Nacalaban maoy auditor nga adunay 75 votes.

Apil sa napiling mga officer mao sila si Froilan Gallardo, 78 votes; Cong Corrales, 71 votes; Annabelle Ricalde, 70 votes, Lorenzo Luzon 68 votes; Tony Albania (65 votes); Edgar Navarro (56 votes); Jonas Bustamante, 52 votes; Uriel Quilingquing, 52 votes.

Ang committee of chairmanship kasamtangan pa nga hisgotan.

Tanang 15 ka mga miyembro nga napili giproklamar ni Atty. Augusto Neri Jr., kanhi presidente sa COPC ug maoy chairman sa committee on elections (Comelec). Laing miyembro sa Comelec mao si kanhi COPC director Custodio Sanoria.

Ang elections gihimo human si Goking unang nangulo sa Annual General Membership Assembly sa COPC.

Ang COPC usa sa labing dako nga organisasyon sa mga sakop sa presnsa ning siyudad sa Cagayan de Oro nga mokabat adunay 125 ka rehistradong miyembro. Karong tuig 2012 saulogon na usab ang ika-61 ka tuig niini diin natawo November 11, 1951.