Dugang nga iskolar gilauman sa Ched

Monday, February 13, 2012

HUMAN sa nahitabong kalamidad nga bagyong Sendong diin nagbilin kini og ubay-ubay ka problema, gilauman sa Commission on Higher Education (Ched)-Northern Mindanao nga mosaka ang gidaghanon sa mga iskolar sa rehiyon.

Si Ched regional director Zenaida G. Gersana niingon nga sila kasamtangan nga midawat og aplikasyon sa iskolar apan ipaubos sa ranking system ug guidelines unsaon pag-avail sa programa.

Have something to report? Tell us in text, photos or videos.

Si Gersana niingon nga sila modawat og aplikante sa tuig 2012-2013.

We will accept whoever wants to apply since we don't have the target number, butyag niini ug midugang nga ang mga aplikante nagkinahanglan nga mosunod sa timeline kung kanus-a ang application matapos.

Nasayran nga ang aplikasyon nga ma-qualify nagbasi sa guidelines ug ipadala ngadto sa central office sa Manila.

Ang central office maoy mag determinar sa mga numero sa slots sa iskolar ug maoy modawat sa programa.

Whatever (funds) that is approved in the congress will be distributed to the regions,” dugang niini.

Bag-ohay lang ang gobyerno mialokar og mokabat P9.8 billion nga pundo alang sa government scholarship program sa tuig 2012.

Samtang kadtong interesado nga moaplay niini alang sa umaabot nga school year pakisayopd lamang sa buhatan sa Ched-Northern Mindanao. (SVB/MAY)