Evacuation center gibato

Monday, February 13, 2012

KAHADLOK ang gibati sa mga residente human gibato ang ilang mga tent kagahapon mga alas 2:00 sa kadlawon sa evacuation center diha sa City Central School ning siyudad sa Cagayan de Oro.

Nasikop sa kapolisan ang usa ka Mico Ugalgo, 22, taga Isla de Oro, ug residente na gihapon karon sa evacuation center.

Have something to report? Tell us in text, photos or videos.

Namatikdan kining apektado og ilimnong makahubog niadtong gabhiona ug giingong namato hinungdan sa kahadlok nga gibati sa mga biktima sa bagyong Sendong.

Usa usab ka Roberto O. Daculos Jr., 21, ulitawo taga Bulua ang naigo sa maong pagpamato samtang anaa siya sa sulod sa evacuation center.

Girespondehan sa mga sakop sa PS1 ang insidente nga miresulta sa pagkasikop ni Ugalgo kinsa detinado karon sa prisuhan.

Gihimakak usab sa suspek ang alegasyon batok kaniya. (SVB)