Lalaki nabangga, patay

Tuesday, February 14, 2012

NAKABSAN sa kinabuhi sulod sa emergency room ang usa ka lalaki human nabangga ang gimanehong motorsiklo niadtong Lunes sa kadlawon didto sa Sto. Niño, Talakag, Bukidnon.

Giila ang biktima nga mao si Poellancris Tinoy, 32, taga Barangay 05, susamang lungsod.

Have something to report? Tell us in text, photos or videos.

Nasayran nga pauli na sa puloy-anan ang biktima sakay sa iyang kaugalingong motorsiklo mga alas 2:05 sa kadlawon dihang nahitabo ang insidente.

Usa ka laing motorsiklo usab ang kalit nga mitunga sa iyang dalan nga miresulta sa pagbarag niini ug pagkabangga.

Nagrabehan ang biktima tungod sa kakusog sa impak milagpot kini ug nabunal ang ulo sa semento.

Nigawas ang dugo sa dunggan niini samtang nangapupo ang ngipon sa biktima.

Daling gidala ang biktima sa Northern Mindanao Medical Center (NMMC) ning siyudad sa Cagayan de Oro apan sa pipila ka oras nga pagtabang niini sa mga doctor mga alas 12:30 niadtong Lunes sa udto nakabsan gyod kini sa iyang kinabuhi. (SVB)