6 anyos gi-finger

Tuesday, February 21, 2012

USA ka 6 anyos nga biktima sa milabayng bagyong Sendong ang giingong gi-finger sa usa ka lalaki nga nagpuyo gihapon sa tent nga nahimutang sa Capitol ground, ning siyudad sa Cagayan de Oro.

Ang biktima tagoan na lamang sa ngalan nga Jeny kinsa gikinamot sa suspek nga giilang si Jeffrey Barrera, lumad nga taga Guinsiliban, probinsya sa Camiguin.

Have something to report? Tell us in text, photos or videos.

Ang inahan sa biktima nisaysay nga mga alas 11:30 sa buntag niadtong Lunes kamulo pa sila og paniudto niadtong tungora gawas sa tolda dihang nahitabo ang insidente.

Giingong giabayan sa suspek ang iyang anak sulod sa tolda diin nahitabo ang pagpangmolestiya.

Sa pagtuo sa inahan nga nagdula lang kini wala lamang gitagad ug padayon sa pagkaon apan sa ikaduhang pagsiyagit niining biktima mitindog na ang ama-ama sa biktima tungod kay lain na ang iyang pagdungog sa tingog sa bata ug nagpakitabang na kini.

Maoy naabtan sulod sa tolda sa bana sa inahan ni Jeny nga gipaubos na ni Jeffrey ang sinina sa biktima, mintindog ug migawas sa tolda dayon nanghanggat na usab dayon og inom.

Nireklamo sa kasakit sa kinatawo si Jeny ug gisaysay niini ang gihimo ngadto kaniya.

Mihimakak si Jeffrey nga apektado niadtong tungora ug ilimnong makahubog.

Gisikop kini sa guard sa Kapitolyo nga mao si Jingle Bihan usa dayon gibalhin sa Police Station 1 (PS1) sa Divisoria.

Gani mihimakak pa sa iyang address ang suspek apan pagsusi gikan sa PhilHealth Card niini nasayran nga taga Camiguin kini.

Ang inahan sa biktima nasubo pag-ayo sa nahitabo sa iyang anak labina nga bag-o lang kining nabiktima sa grabeng pagbaha dinha sa Consolocion.

Desidido kini nga pasakaan og kaso ang suspek tungod kay mireklamo dili lamang sakit sa iyang kinatawo ang biktima apan sakit usab ang tiyan niini gumikan sa insidente.

Nasayran nga ang suspek nakaila lamang sa ama-ama sa biktima mga usa na ka semena ang nilabay tungod kay aduna gihapon kini tolda nga gitukod sa Capitol ground. Sa pagtuong masaligan kini mao nga nag-inom sila niadtong tungora.