Babaye nga no.2 sa drug list tiklo
Wednesday, February 22, 2012
SAPON sa mga operatiba sa Philippine Drug Enforcement Agency-Northern Mindanao ang gikonsidera nga number 2 ug prayoridad nga target-listed drug personality sa probinsya sa Bukidnon.
Ang buy-bust operation gihimo mismo sa pangulo ni Investigation Officer 1 Joel L. Genita nilabayng adlaw mga alas 7:00 sa gabii sa Purok 2, Poblacion, Valencia City, Bukidnon.
Have something to report? Tell us in text, photos or videos.
Giila ang suspek nga mao si Evella B. Babela alyas Bella, 46, bulag sa bana, nagpuyo sa susamang dapit.
Naaresto ang suspek human namaligya og ginadiling druga nga usa ka sachet sa usa ka PDEA agent nga nagpatuong buyer.
Narekober gikan sa posisyon niini ang duha ka mga small size ug napulo ka mga rectangular transparent plastic sachets adunay gituohang shabu uban pa usab sa mga ilegal nga mga drug paraphernalia. Nakuhaan gihapon ang suspek ug nilukot nga adunay sulod marijuana.
Ang suspek detinado na karon sa Valencia City jail diin gipasaka na ang kasong nakasupak sa RA 9165 kon Dangerous Drugs Act. (SVB)
Gipatik sa mantalaang SuperBalita Cagayan de Oro Pebrero 23, 2012.
