Trak vs multicab, 1 patay

Wednesday, February 22, 2012

DEAD on the spot ang usa ka babaye human nagsungag ang ten-wheeler truck ug multicab nga gisakyan niini kagahapon mga alas 8:30 sa buntag sa Barangay Lunao, siyudad sa Gingoog.

Giila ang namatay nga si Joan Dumapias, hingkod ang edad, address wala pa nahibaw-an sa traffic investigator sa Gingoog Police Station.

Have something to report? Tell us in text, photos or videos.

Nagtingkagol usab sa prisuhan ang driver sa ten-wheeler nga giilang si Wilfredo Maghanoy, hingkod ang edad, lumad nga taga Kitaotao, Bukidnon.

Sa inisyal nga imbestigasyon, paingon ang trak sa siyudad sa Gingoog samtang ang multicab paingon sa lungsod sa Medina dihang kusog nga mipadagan ang ten-wheeler ug mitipas paingon sa pikas dalan hinungdan nga maayong pagkasungag sa multicab.

Ang mga pasahero nga anaa naglingkod sa wala nga bahin maoy sobrang naapektuhan diin usa si Dumapias ang dead on the spot human nanglagpot ang pipila ka parte sa ulo niini.

Ang upat usab ka laing mga biktima nga kalinya ra sa lingkoranan niini ang pulos kritikal ang kahimtang nga gidala karon sa Bagong Lipunan Hospital.

Kasong reckless imprudence resulting to homicide ang isang-at batok sa driver. (SVB)