5 anyos nga bata nasunog

GIOBSERBAHAN sa mga doctor ang 5 anyos nga bata nga nasunog ang nawong niadtong nilabayng adlaw sa Zone-9, Bonbon ning siyudad sa Cagayan de Oro.

Giila ang biktima nga mao si Elmar Altizo, residente sa susamang dapit.

Gibutyag sa inahan sa biktima dihang dali kining gidala sa Northern Mindanao Medical Center (NMMC) nga nagdula lamang ang iyang anak uban sa laing mga bata dihang usa ka flammable nga butang ang ilang gidagkotan hinungdan sa pagsilaab niini nga miresulta sa pagkasunog ug pagkaigo sa nawong sa biktima.

Pipila usab sa mga bata nga kadula niini nangapaso ang tiil apan si Altizo maoy gidala sa NMMC tungod sa naangkon nga mga paso

Giobserbahan pa ug giatiman sa mga doctor si Altizo sulod sa emergency room sa pagsulat ning balita. (SVB)