Laing walo ka libo nga balay tapuson sa Agusto

GIPASALIG ni Presidente Benigno Aquino III nga sa dili matapos ang bulan sa Agosto matukod na ang mokabat walo ka libo nga mga balay alang sa mga biktima sa Bagyong Sendong.

Kini ang iyang gibutyag atol sa iyang pag-turn over sa mga balay ngadto sa mga biktima sa Sendong denhi sa siyudad sa Cagayan de Oro. Kini aron usab wala nay magpuyo pa sa mga tent ug bisan sa mga evacuation center.

Sa iyang speech, giklaro ni Aquino ang kaandam sa gobyerno panahon sa krisis ug rehabilitasyon.

Iyang giklaro nga adunay nakatambay nga P500,000 nga pundo sa tanang sa DSWD field offices. Ang paglusad sa Department of Science and Technology (DOST) Nationwide Operational Assessment of Hazards (flood warning system) program, livelihood projects via Self Employment Assistance-Kaunlaran (SEA-K) ug Technical Education and Skills Development Authority (Tesda) nga gikatakdang mohatag kahigayonan sa mga biktima sa Sendong sa siyudad ug iligan nga mohimo og training sa masonry, plumbing, welding ug electrical installation.

Gibutyag ni Aquino nga 600 ka mga residente gikan sa siyudad ug Iligan ang makabenipisyo niini.

Samtang ang P500,000 nga pundo gikan sa DSWD makatabang sa paspas nga tubag sa kalamidad ug gipanawagan niini ang publiko nga makigtambayayong kaniya. Ingon man panawagan nga wala nay magpuyo pa sa mga delikado nga lugar.

“Our country is a typhoon frequented spot, let us not wait for the disaster to strike before we act, We have been pushing reforms to strengthen our readiness to calamity and minimize its effects,” matud ni Aquino.

Gibutyag ni Aquino nga ang programa sa DOST nga gitawag og “Project Noah” usa ka flood warning system nga gi-instalar pinaagi sa 600 automated rain gauge 400 water river census sa tanang major river system sa nasod.

“Pinapatunayan po natin na kapag walang iwanan, ay wala talagang iwanan,” matud ni Aquino.

Sa seremonya nakadawat ang napulo ka mga pamilya og mga certificate of awards ug mga claim stubs alang sa family kitchen set, food pack ug starter kitmobalor og P17,000.

Ang gobyerno miprayoridad usab sa pagrelokar sa 500 ka mga benpisaryo ngadto sa Calaanan nga milangkob sa 200 ka pamilya gikan sa Barangay Macasandig nga maoy labing unang okupante sa Barangay Indahag Relocation area.

Ang puloy-anan nga quadruplex units gihimo pinaagi sa pagtambayayong sa DSWD isip funder, City Government isip Land owner ug National Housing Authority (NHA), Habitat for Humanity Philippines ug Gawad Kalinga isip builder.

Gipasalig usab ni Aquino nga matukod na ang tulay sa dapit sa dili pa matapos ang bulan sa Hunyo. (Stephanie V. Berganio)