2 dalaga nabangga

DUHA ka mga dalaga ang pulos nilanding sa Northern Mindanao Medical Center (NMMC) human nabangga sa gisakyan nga motorsiklo niadtong Lunes mga alas 5:00 sa hapon sa lungsod sa Opol, Misamis Oriental.

Giila ang mga biktima nga si Jenylyn Cortez, 18, ug igsoung si Shiela, 19, nga maoy nagmaneho sa motorsiklo nga Honda XRM, residente sa susamang lungsod.

Ang inahan sa biktima nibutyag nga kumpiyansa lang gyod siya sa iyang mga anak nga magamit sa motorsiklo tungod kay gipalitan man kini sa amahan nga toa gawas sa nasod og motorsiklo alang sa ilang pagskwela sa kolehiyo denhi sa siyudad.

Nag-edad og 16 si Shiela makahibalo na kini sa pagmaneho sa motorsiklo apan niadtong tungora mopaingon unta denhi sa siyudad ang mga biktima dihang kalit lang kining gisungag sa pick-up nga mibiya usab human sa insidente.

Matud sa inahan mayo na lang gani kay daw hinay lang ang dagan sa pick-up ug usa ra nipakusog dihang mosibat na. Nangaligid ang mga biktima ug nangatukod ang ilang tuo nga bahin sa abaga ug tiil.

Nabalian og tiil ang duha ka mga biktima samtang pangos sa lain laing parte sa lawas ang naangkon nga gipangdala sa NMMC.

Pulos giatiman pa sa mga doctor ang mga biktima ning panahona. (SVB)