Tunghaan nga nasunog tabangan
-A A +AWednesday, June 13, 2012
HUMAN sa pagkaugdaw sa usa ka tunghaan didto sa lungsod sa Initao, Misamis Oriental giingong andam ang probinsya sa Misamis Oriental nga moabag niini sa panginahanglanon.
Si Misamis Oriental Vice Governor Norris Babiera nibutyag sa usa ka sibyaan sa radyo nga nasubo siya sa nahitabo labina naatol pa sa tingklase ang pagkasunog.
Gikatakdang mobisita kini sa area aron masusi kung unsay gikinahanglan aron matukod kini og balik.
Si PS/Insp. Mark Anthony Cagalitan, hepe sa Initao Police Station nga nahinabi sa Sun.Star Superbalita niingon nga posibleng sa simbahan nga tupad sa nasunogan ang mga tinu-an usa magtigom alang sa ilang klase.
Apan sa kasamtangan mopahigayon pa og meeting ang tagdumala sa tunghaan uban sa mga maestra aron hisgotan kung unsaon kini labina nga wala gyod bisan usa sa gamit ang ilang nabitbit.
Kahinumduman mokabat sa P7.5 milyones ang danyos sa sunog human gilamoy sa kalayo ang Xaxier Acdemy High School ug naapil pa ang tunghaan sa primary niini.
Giingong mokabat 15 ka classroom ang nasunog ug ubay ubay sa mga kabtangan sama sa mga bag-ong abot nga mga computer, libro, ug uban pang gamit. (SVB)
Gipatik sa mantalaang SuperBalita Cagayan de Oro Hunyo 14, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
