Gitigbas sa amahan
-A A +ATuesday, June 19, 2012
OSPITAL ang gipadulngan sa usa ka anak human giunay og tigbas sa amahan niini niadtong Lunes mga alas 6:00 sa gabii sa puloy-anan niini sa Barra, lungsod sa Opol Misamis Oriental.
Giila ang biktima nga mao si Joseph Hundo, 24, ulitawo. Gitumbok nga suspek ang amahan nga si Pacito, 56.
Ang amahan ra usab maoy nidala sa iyang anak sa Northern Mindanao Medical Center (NMMC) aron matambalan.
Saysay sa amahan nga dili niya intensyon nga pasakitan ang iyang anak tungod kay gi-amuma niini ug giatiman gikan sa pagbiya sa iyang asawa kaniya apan daw magsige kini og inom ug kanunay nga mahubog.
Pag-uli sa panimalay, maglasong ug kalit lang nga panumbagon ang iyang mga manghod nga mga babaye.
Si Pacito maoy nagsilbing kahayag ug haligi sa pamilya.
Wala na maagwanta niini ug gitigbas ang tiil sa biktima hinungdan sa pagkasamad og dako niini.
Ang biktima luwas na sa makuyaw’ng kahimtang apan padayon pang giobserbahan sa mga doktor. (SVB)
Gipatik sa mantalaang SuperBalita Cagayan de Oro Hunyo 20, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
