Nabanggaan sa trak, patay
-A A +ATuesday, June 19, 2012
NALIGO sa iyang kaugalingon nga dugo ang usa ka lalaki human nabanggaan sa prime mover truck niadtong Lunes mga alas 5:00 sa hapon sa Marcos Bridge ning siyudad sa Cagayan de Oro.
Dead on the spot ang biktima nga giilang si Jaime Talibong, lumad nga taga siyudad sa Butuan ug gikan pa niadtong tungora sa Barangay Carmen kay mipalit og cake uban ang higala aron ihatod sa kauban nga nag-birthday diha sa Barangay Puntod.
Imbes maglipay paingon sa birthday, kamatayon ang gipadulngan niini dihang nasungag ang biseklita nga gimaneho niini sa usa ka prime mover truck nga gimaneho ni Jovito Suapel, 40, lumad nga taga Bukidnon.
Saysay sa truck driver nga pauli na unta siya sa Bulua dihang nahitabo ang insidente. Wala usab niini nabantayan nga nasungag ang bisiklita ug mao na lamang iyang nahibaw-an nga adunay kusog nga labunog ug singgit sa mga nakasaksi.
Ug sa pagsusi, aduna nay naligid nga nagkadugo nga biktima ug nayagyag pa ang dalang cake niini.
Anaa gikostudya sa Roads and Traffic Administration ang driver ning panahona nga gikatakdang pasakaan og kasong reckless imprudence resulting in homicide. (SVB)
Gipatik sa mantalaang SuperBalita Cagayan de Oro Hunyo 20, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
