Pipila ka tunghaan walay emergency light

NAGPADAYON ang pagsusi sa mga sakop sa Bureau of Fire Protection (BFP) sa mga tunghaan ning siyudad sa Cagayan de Oro aron pagsuta sa mga posibleng kalapasan.

Si City Fire Marshal Ceriaco Talines, nibutyag nga atol sa ilang pila ka semana nga paglibot suroy sa nagkalain-laing tunghaan sa siyudad ilang nasuta nga pipila sa mga tunghaan ang mga daot ang mga emergency light.

Tuod man kumpleto sa fire exit, fire extinguisher ug uban kahimanan nga magamit panahon sa emerhensya.

Gibutyag lamang niini nga nakasupak lamang sila tungod kay pipila sa mga emergency light mga sa daot nga gikinahanglan kini kaayo panahon sa emerhensya ug sunog labina kung gabii mahitabo ang sunog.

Dugang ni Talines nga ilang gihangyo ang mga tunghaan nga ilisan ug pulihan na kini.

Hinuon gidayeg niini ang mga tunghaan nga kumpleto ug misunod sa firecode tungod kay iyang nakita nga ang seguridad gyod sa mga tinun-an ang ilang gilantaw.

Gipanawagan lamang niining ang uban mga tunghaan labina niadtong wala pa nasusi nga kung unsay kulang nga himan sa ilang tunghaan dili na dugayon nga magbutang aron wala mga kasupakan. (SVB)