4 anyos gilugos

NAGTINGKAGOL sa prisuhan ang usa ka lolo human giingong nanglugos sa 4 anyos nga bata niadtong Sabado sa Barangay 12 ning siyudad sa Cagayan de Oro.

Biktima itago na lamang sa pangalan nga Riza, ang giingong nagpositibo sa pagpanglugos dihang gipasusi sa pribadong tambalanan ning siyudad.

Deretsong nasikop ang gitumbok nga suspek nga mao si Lito Dorin, 54, minyo, sa susamang dapit.

Giingong wala namatikdan nga mikanaog si Riza sa ilang puloy-anan niadtong tungora ug dihang gipangita kini mao na lamang ang nadiskubre nga nagsige na kini og hilak ug giingong mireklamo sa kasakit sa iyang pribadong parte.

Sa wala pa usab kini nakita, adunay nakakita sa biktima nga giingong gisabak-sabak ni Dorin nga pagkahuman nagisge na dayon og hilak ang biktima.

Tungod ninii, gisikop ang suspetsado pangulohan mismo ni Barangay Kapitan Fernando Sambas sa Barangay 12 ug nagtingkagol na karon sa Maharlika detention cell.

Butyag ni Sambas nga gipacheck up ang biktima ug giingong nagpositibo kini sa pagpanglugos. Mga ginikanana sa biktima desidido nga pasakaan kini og kaso.

Apan suspek hugot nga mihimak sa mga alegasyon batok kaniya.

"Dili ko kana mahimo ug buot-buot lang intawon kana ilang gialegar nako, dili ko manghilabot anang bataa," matud ni Dorin.

Gibutyag usab niini nga wala sukad niya nahuptan ang biktima. (Stephanie V. Berganio)