Banko kulang og kooperasyon?

GIINGONG bisan og kulang sa koperasyon ang mga empliyado sa Banco de Oro (BDO) dili gihapon kini babag nga ipadayon sa Police Station 2 (PS2) sa Cogon ang imbestigasyon aron masuta kung kinsa ang mga tulisan sa nahitabong tulis niadtong Lunes sa J.R. Borja Street ning siyudad sa Cagayan de Oro.

Ang kapolisan sa PS2 nibutyag nga hangtod karon wala pa gihapon mihatag og detalye ingon man saktong kantidad nga nakuha gikan sa mga biktima nga mao ang teller nga si Anna Ampuan ug kuyog ninii niadtong tungora ang Osmeña-BDO Branch Manager nga mao si Nimfa Rosales. Bisan ang nagdumala sa Dols walay pahayag kalabot niini sa kasamtangan.

Butyag sa mga polis nga dili na lamang nila pugson kung dili mohatag og tukmang detalye tungod kay dili kini mahimong babag sa padayon nga imbestigasyon.

Hinuon nagpasalamat gihapon ang kapolisan nga kay presko pa ang ilang huna-huna sa paghulagway sa suspek mikooeperar kining mga biktima nga ihulagway aron mogawas ang facial composite sa mga suspetsado.

Gani migawas ang hungingong nga tulo ka adlaw nga koleksyon ang maong kantidad ug giingongdul-an P1 million ang nawala nga kantidad sulod sa bag nga padayon pang gisuta.

Sa inisyal nga imbestigasyon nga ang duha ka mga empliyado ang gikan niadtong tungora sa DOLS Commercial mga alas 9:00 sa buntag hapiton ang koleksyon nga kwarta sa establismento dihang pagawas usa sa suspek deretsong mibira sa bag nga adunay sulod kwarta.

Walay nahimo ang biktima apan ihatag ang bag sa kahadlok nga pusilon.

Ang DOLS commercial ang giingong depositor sa BDO ug ang maong kantidad mao ang tulo ka adlaw nga koleksyon ug kita sa establismento.

Nakita sa security guard sa Dols ang insidente apan maglisod sa pagtabang kanila tungod kay nakatutok ang pistola atubangan kaniya, gibawi pa ang iyang .38 kalibre ug gidala.

Ang mga suspek sakay sa kolor pula nga XRM ug usa niini sakay sa kolor itom nga Honda Wave motorcycle.

Si PC/Insp. Lemuel Gonda niingon nga posibleng tirada niining mga suspek ang pagpanulis tungod kay gani wala lamang nag usa ka minuto nahimo ang krimen ug gituohan niini nga hasa ang mga suspek ug gi-train. Sa kasamtangan giimbestigahan na ang kaso.