Basurero gibun-og
-A A +ATuesday, June 26, 2012
OSPITAL ang gipadulngan sa 10 anyos nga bata human giingong gi-ayo og sukmag samtang namasura sa Puntod ning siyudad sa Cagayan de Oro.
Nadala sa Northern Mindanao Medical Center (NMMC) ang biktima nga mao si Arnel Lesanio, 10, taga Block 13, Accreation Macabalan ning siyudad.
Saysay sa inahan sa biktima nga nga sayo kayo nimata iyang anak aron mamasura apan paghidangat sa Brgy. Puntod daw gisita kini sa giingong Tanod sa dapit ug giingong gisukmag.
Nagisi ang nawong sa biktima ug maayong pagkabun-og sa lain-langb parte sa lawas niini hinungdan nga dihang nakauli kini sa puloy-anan deretsong gidala ang biktima sa (NMMC).
Giingong mga batan-on ug tambay sa dapit ang mikulata sa biktima ug dili ang mga tanod. Gisuwayan usab og tawag sa SuperBalita ang Brgy. Puntod apan walay nakuha nga tubag gikan kanila.
Ang biktima ubos pa gihapon sa obserbasyon sa mga doctor sulod sa emergency room sa NMMC. Ang hitabo gipablotter na usab sa inahan sa Police Station 5 sa Macabalan.(SVB)
Gipatik sa mantalaang SuperBalita Cagayan de Oro Hunyo 27, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
