Lalaki giluba sa ka-inom
-A A +ATuesday, June 26, 2012
TALANDUGON ang kahimtang sa usa ka lalaki human gi-unay og luba sa ka inom niini niadtong Lunes mga alas 10:00 sa gabii sa Agora ning siyudad sa Cagayan de Oro.
Giila ang biktima nga mao si Hanz Rommel Sumalao, 23, ulitawo, taga Villa Trinitas, Bugo ning siyudad.
Gitumbok nga suspetsado ang kainom nga nailhan lamang sa ngalan nga Jules Charlie, residente sa Cugman ning siyudad.
Nasayran nga nag-inom ang duha sa usa ka videokihan sa dapit ug namatikdang maayo pa ang sultihanay sa duha. Daw kalit lang nga nagbikil sa estorya ang duha hinungdan sa kaulit ni Sumalao ug gi-unhan sa pagsukmag si Jules.
Tungod niini nasuko ug mibalos si Jules dungan sa pagkuha sa iyang hait nga hinagiban ug giluba sa dughan ang biktima.
Dali dayon nga misibat si Jules sakay sa kaugalingon nga motorsiklo niini dihang nagbuy-od na ang biktima. Nadunggan sa pipila ka mga saksi nga babaye ang giawayan sa duha.
Ang biktima gidala sa Northern Mindanao Medical Center kinsa padayon pang giobserbahan sa mga doctor ning panahona.
Suspetsado gipangita na sa kapolisan sa Police Station 3 sa Agora.(SVB)
Gipatik sa mantalaang SuperBalita Cagayan de Oro Hunyo 27, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
