Welder nakuryenti, nasunog
-A A +AFriday, June 29, 2012
NAPAKNIT ug nasunog ang lawas sa usa ka lalaki human nakuryente samtang nagtrabaho niadtong Huwebes mga alas 01:40 sa hapon sa Taguanao ning siyudad sa Cagayan de Oro.
Giila ang biktima nga mao si Alfredo Gudornis, 50, residente sa susamang dapit.
Gibutyag sa kauban niini nga maoy nidala sa biktima sa Northern Mindanao Medical Center (NMMC) nga nag-welding ang biktima og tubo niadtong tungora sa ilang gitrabaho nga building.
Apan wala nabantayan niini nga sa iyang pagtrabaho nagsige na og kasaghid sa live wire ang iyang gigamit nga welding.
Nakurat na lamang ang biktima dihang kalit lang siya nga mikirig sa pagkakuryente ug maayong pagkapanit sa iyang lawas nga maoy hinungdang gidala siya sa NMMC.
Giingon sa mga kauban nga kung wala mibuto ang transformer niadtong tungora posibleng masunog pag-ayo ang biktima ug mamatay.
Gidala ang biktima sa NMMC kinsa talandugon ang kahimtang ug giobserbahan pa sa mga doktor sulod sa emergency room. (SVB)
Gipatik sa mantalaang SuperBalita Cagayan de Oro Hunyo 30, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
