3 gikan namisita nabangga
-A A +AMonday, July 2, 2012
PULOS giobserbahan sa mga doktor ang tulo ka mga lalaki nga nabangga niadtong Domingo mga alas 11:50 sa gabii sa Lapasan Highway ning siyudad sa Cagayan de Oro.
Giila ang biktima nga mao sila si Ruly Tumandag, 21; Jason Hermano, 19; ug Jessrel Montalba, 20, pulos residente sa Tablon ning siyudad.
Gibutyag sa uyab ni Tumandag nga gikan sa ilang boarding house sa Capistrano St., ang tulo kay namisita kaniya ug ang duha namisita sab sa iya ra usab nga boardmate kay pulos man schoolmate ang tanan sa usa ka iladong tunghaan sa kolehiyo.
Mga alas 11 kapin nananghid ang tulo nga manguli na og ma-usa na lamang sa pagsakay sa ilang motorsiklo apan pag-abot sa Lapasan Highway daw kalit lang silang gibanggaan sa usa ka van nga wala makuha ang plaka tungod sa kangitngit ug misibat pa human sa insidente.
Nanglagpot ang mga biktima hinungdan sa pangos og bun-og sa kalawasan. Usa sab kanila ang gituohang nabalian og kamot.
Mga biktima pulos gipangdala sa Northern Mindanao Medical Center og padayon pa giobserbahan sa mga doktor ning panahona. (SVB)
Gipatik sa mantalaang SuperBalita Cagayan de Oro Hulyo 03, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
