Taas nga kaso sa child labor gikabalak-an

ANG Department of Labor and Employment (Dole) nagtuo ug nanawagan sa tanan sakop sa prensa nga mahimong aktibo ug magpakabana aron maubsan ang taas kaayo nga kaso sa child labor sa nasod.

Si Rodrigo A. Deloso, head sa Dole Misamis Oriental west office, niingon nga ang mga sakop sa prensa makapangita og impormasyon kalabot sa child labor ug mohimo ug mga aksiyon mapaubsan kini.

Ang mga media organizations makahatag og media coverage ug tabang og pahibalo.

Gipasabot usab ni Deloso ang child labor ug gibutyag niining usa kini ka matang sa pagpanarbaho sa mga bata nga wala pa insaktong edad. Mga trabaho nga makadaot sa ilang panglawas, dili luwas ug makababag sa ilang pisika, mental ug psychosocial development.

“It is different from child work because it deprives the children their rights to health and education and exposes them to constant long hours of work and serious hazards,” matud niini.

Ang bata nga nag-edad og 15 anyos ang dili pa kinahanglan motrabaho, apan makatrabaho lamang kung adunay permiso gikan sa mga ginikanan o legal gurdians ug kinahanglan dili makadaot sa kinabuhi, seguridad, panglawas, ug moral. Kinahanglan usab nakaskwela.

Apan ang kontrata nga gitrabhoan niini kinahanglan usab adunay approval gikan sa Dole.

Ang employers kinahanglan mohatag og proteksyon, health, safety, morals, ug normal development sa bata ug motabang nga malayo sa deskriminasyon ug eksploitasyon.

Tuod man ang 15 ngadto 18 anyos nga bata mahimong motrabaho apan trabaho nga dili makadaot sa ilang lawas ug kinahanglan modawat og minimum nga sweldo.

Ang mga klase sa trabaho nga slavery, sale ug trafficking of children, debt bondage ug serfdom, ingon man pwersahang pagpatrabaho apil ang recruitment alang sa armed conflict ang gikonsiderang labing worst forms sa child labor.

Gikinahanglan ilikay usab ang mga bata sa mga prostitusyon o mga pornographic performances. Ang mga nakasupak niini mahimo lamang itaho sa mga lisensiyadong child-caring institution; social workers; barangay chairman diin nahitabo ang Child labor ug mahimong mapasakaan og kasong supak sa anti-child labor law. (SVB/PIA)