Asawa gikulata, gibinastusan

NAGTINGKAGOL sa prisuhan ang usa ka bana human kini gireklamo mismo sa pamilya sa asawa sa walay pu-as nga pagpangulata niini sa asawa pipila na ka higayon diha sa Santa Ana, lungsod sa Tagoloan, Misamis Oriental.

Ang biktima giila nga si Elvie, (bansagon gipugngan) residente sa susamang dapit kinsa giingong hapit na mawad-an sa panimuot tungod sa sobrang pagpanukmag sa iyang bana nga giilang si Gary, hingkod ang edad.

Ang kapolisan sa Tagoloan Police Station niingon nga detinado sa ilang buhatan ang suspetsado tungod kay niadtong Lunes giusab na usab niini ang pagpanukmag sa iyang asawa nga hinungdan sa pagkabun-og ug samad sa lawas.

Gawas niini, giingong gaguyoron sa bana iyang asawa ug didto gapuson sa kahoy ug didto himoun ang pakighilawas sa asawa sa walay paghuna-huna nga daghan ang makakita.

Gani ang ilang mga anak gihikaw na usab sa bana tungod kay gidala niini didto sa Bukidnon.

Tungod niini, wala na naagwanta sa pamilya sa biktima ingon man opisyal sa maong barangay ug gipaprsio kini.

Giingong himuon kini sa suspek bisan dili hubog ug daw binastusan kung sobra sab ka hubog.

Kasong supak sa RA 9262 kon “Violence Against Women and their Children Act of 2004” ang gikatakdang ipasaka batok sa suspek. (SVB)