P20 mil nabitbit sa tulisan

IGO na lamang sa pagpatabang sa kapolisan ang sales agent ug driver human sila gitulis sa tulo ka wala mailang suspetsado niadtong Martes mga alas 1:30 sa hapon sa 12th Street, Nazareth ning siyudad sa Cagayan de Oro.

Sa Police Station 9 (PS9) sa Macasandig nag-pablotter ang duha ka empliyado sa 727 Enterprise nga mao ang sales agent nga si Jonathan Montaje, 28, ug driver nga si Bonifacio Austria, pulos taga Tomasaco Street, susamang barangay.

Saysay sa mga biktima nga gikan sila nag-deliver og softdrinks niadtong tungora sa usa ka tindahan sa dapit, ug paingon na unta nga mosakay aron manglakaw na dihang kalit lang giduolan sa tulo ka wala mailang suspetsado ug nani-on og wala matinong pistola ug nideklarar og tulis.

Walay nahimo ang mga biktima kon dili ihatag na lamang ang halin niadtong tungora sa kahadlok nga pusilon. Nakuha ang kantidad nga P20 mil nga ilang kita.

Gisunod na mismo ni Police Senior Inspector Gilbert Rollen hepe sa PS9 ang kaso aron paggukod sa suspek.

Kahinumduman misi-aw ang pagpanulis ning siyudad diin wala lamang nag beinte kwatro oras gikan nahitabo ang pagpanulis sa Happy Warehouse nga mokabat sa P200 mil sa cash ang nabitbit ug P200 mil kapin usab sa prepaid card. (SVB)