Nanulis sa bus, tiklo
-A A +AMonday, July 9, 2012
NASIKOP human napusilan sa paa ang usa ka tulisan nga nanulis sa bus niadtong Domingo mga alas 6:00 sa gabii sa Poblacion, lungsod sa Laguindingan, Misamis Oriental.
Sa taho, nasayran nga unang nagpatuong pasahero sa RTMI bus ang ang suspetsado nga mao si Octavio Aclan, 50, minyo, residente sa lungsod sa Manticao, Misamis Oriental.
Apan pag-abot sa hilit nga dapit sa Laguindingan, kalit kining mideklarar og tulis dungan sa pagtion og hait nga kutsilyo ngadto sa mga pasahero.
Nakuha sa suspek ang cellphone, kabtangan ug kwarta sa mga pasahero.
Apan abtik nga nakaresponde ang kapolisan sa Laguindingan Police Station ug gigukod ang biktima ug samtang nagdagan aron mosibat na gipusil kini sa polis hinungdan sa pagkaabhak sa bagtak niini nga naigo sa M16 rifle.
Narekober pagbalik ang mga butang nga gitulis niini gikan sa pasahero ug pipika ka kantidad.
Ang suspek gidala sa Northern Mindanao Medical Center (NMMC) ug kasamtangan pa kining giobserbahan sa mga doktor sulod sa emergency room.
Panahon nga makagawas sa prisuhan ang suspek, gikatakdang ibalhog deretso kini sa prisuhan. (SVB)
Gipatik sa mantalaang SuperBalita Cagayan de Oro Hulyo 10, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
