Oca naglaom pagdumala sa City Hall sunod tuig

NAGLAOM si Misamis Oriental Governor Osacar Moreno nga sa sunod nga tuig, anaa na siya magdumala sa City Hall sa Cagayan de Oro.

Kini ang iyang gibutyag sa iyang katapusang State of the Province Address (Sopa) kagahapon sa Capitol Ground ning siyudad.

Dayag kaayong magpapili kini isip Mayor sa CDO ning umaabot nga election tuig 2013.

Gibutyag niini nga kauban sa katawhan, iyang kab-uton ang taas nga ang-ang sa kalampuson dili lamang sa siyudad sa Cagayan de Oro apan sa tibuok Rehiyon 10 (Northern Mindanao).

Gibutyag niini nga ang katawhan maoy mas labing nakahibalo kinsa ang mohatag sa mandato.

Gibutyag niini nga kinahanglan pa nga ipalambo og maayo ang siyudad ug daling matubag ang mga hagit sa siyudad sa umaabot.

Gibutyag usab niini nga anad na kaayo siya sa mga black proganda nga ibato kaniya gani gibutyag niini nga tungod sa politika ang iyang pamilya gustong buakon, ug giingong siya dili maayo nga igsuon.

“Dili mabuak ang gugma nga gitudlo sa among mga ginikanan kanamo,” matud ni Moreno sa iyang pamahayag. “I hope next year anaa na ta sa City Hall.”

Sa iyang Sopa, iya usab gibutyag nga mohulip kaniya si Bise Gobernador Norris Babiera nga gibutyag niining mas maayo pa nga modumala kaysa kaniya.

Iyang gi-recall nga nagmalampuson ang mga proyekto labina sa infrastruktura, integrated school sa probinsya, ubay ubay nga benipersaryo sa philhealth.

Naglaum kining mas mosaka pa ang probinsya tungod kay anaa siya kanunay mosuporta.

Gipaabot usab niini ang mga local revenues sa tuig 2009 ngadto 2012.

Gipasalig niini nga mas malig-on ang probinsya sa Misamis Oriental bisan ug katapusan na niya kining pangatungdanan isip Gobernador.

Mas gihighlight niini ang iyang mga nakab-ot pinaagi sa 8-point agenda aron makab-ot ang Millennium Development Goals (MDG) sa walo ka area sama sa pagpaubos sa kalisod ug kagutom, pag-edukar sa kabataan, pag-empower sa kababayen-an, pagsalbar sa kabataan, pag-atiman sa mga inahan, pakigbisog sa mga sakit, ug pagamit sa mga resources.

Atol sa Sopa, anaa ang presensya nila ni CDO Councilor Edgar Canablan, Barangay Carmen Rolando Uy, mga miyembro sa Sangguniang Panlalawigan ug uban pang mga kapitan sa siyudad.