Ulitawo nakuryente
-A A +ATuesday, July 10, 2012
OSPITAL ang naabtan sa usa ka lalaki human nakuryente niadtong Lunes mga alas 5 sa hapon sa lungsod sa Villanueva, Misamis Oriental.
Giila ang biktima nga mao si Jessrel Humali, 25, ulitawo, residente sa susamang dapit.
Gibutyag sa inahan niini nga gipatul-id ang biktima sa antenna sa telebisyon sa ilang silingan niadtong tungora ug mikatkat kini sa atop.
Gituohang adunay live wire duol sa antenna nga nahuptan niini hinungdan sa pagkakuryente ug pagkirig niini.
Naligid ang biktima ug nahulog pa gikan sa atop sa balay sa ilang silingan. Mao na lamang ang nakita nagbuy-od na ang biktima ug nasunog na ang kamot niini gumikan sa pagkakuryente.
Gawas sa naangkon nga sunog sa kamot nabun-og usab ang biktima tungod sa pagkahulog.
Hinuon ang silingan sa biktima maoy mismong nangita og paagi nga madali kini og dala sa Northern Mindanao Medical Center ug nipasalig nga moabag sa glastuhon sulod sa balay tambalanan. (SVB)
Gipatik sa mantalaang SuperBalita Cagayan de Oro Hulyo 11, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
