Emano andam modawat

DILI si Misamis Oriental Oscar Moreno, apan ang igsuon niini nga mao si Dr. Reynaldo Moreno ang buot dawaton ni Cagayan de Oro City Mayor Vicente Emano sa iyang partido.

Kini human giangkon ni Dr. Moreno nga miatubang siya ni Emano aron magpatambag human giingong bangi niini tali sa igsuon ug kung matugotan nga andam mosilong sa iyang partido.

Sa ilang panagsulti, miingon si Emano nga dili usa niya kini madawat tungod lagi kay sobra ra kaayo ka politika gawas pa nga dili ikalimod ang bangi niini batok sa gobernador. Hinuon nipasalig ang mayor nga iya ra kining tawagan oras nga madisisyunan nga dawaton.

Niadtong Huwebes atol sa iyang usa programa sa sibyaan sa radio, gibutyag ni Emano nga tabang kaayo si Dr. Moreno tungod kay maayo ang propesyon niini, mahigugmaon sa kabus gawas pa nga buotan nga tao ug nganong dili man niya kini dawaton kung nanginahanglan kini og masilongan.

Apan wala pa gyod ninii gikumpirma labina mitingan pa niini kauban ang iyang partido ug desisyonan kung dawaton ba kini.

"Dili nako kinaiya nga magbuak og pamilya, ug wala nako na gihimo…daghan ang nakadungog kang Reynaldo nga siya (Oscar)… maoy niguba sa ilang pamilya tungod lamang sa politika," matud sa mayor tubag usab sa gibutyag sa gobernador atol sa iyang State of the Province Adress (Sopa) nga daw tungod sa politika adunay gustong gubaon iyang pamilya.

Gipahibalo usab sa gobernador ang iyang tinguha nga magsilbi sa katawhan sa siyudad ug ipalambo ang tibuok rehiyon.

Gitataw ninii nga nagpabilin ang gugma nga gitudlo sa iyang mga maguwang kanilang mga igsuon.

Dugang usab ni Mayor Emano nga dili Sopa ang nahitabo tungod kay wala kini mihatag og ekplanasyon sa mga nahitabo ug daw gihimo niini ang Sopa aron maoy magsilbing hagdanan sa iyang katuyoan ug tinguhang manilbihan sa siyudad.