3 nabangga, driver kritikal
-A A +AFriday, July 13, 2012
KRITIKAL ang kahimtang sa usa ka batan-on, samtang bun-og ug samdan ang duha ka kauban niini human nabangga ang gisakyang motorsiklo kagahapon mga alas 3:50 sa kaadlawon sa Lapasan Highway, ning siyudad sa Cagayan de Oro.
Giila ang driver sa motorsiklo nga mao si Jonathan Ellado, 18, ug duha ka angkas nga mao sila si Gregor Yañez, 17; ug Junriel Hermoso, 16; pulos residente sa Barangay Tablon ning siyudad.
Gibutyag sa nakasaksi nga maoy nidali og dala sa mga biktima sa Northern Mindanao Medical Center (NMMC) nga sa layo pa iya nang nakita nga nag-ekis-ekis sa dalan ang motorsiklo.
Ug saktong paglabay gyod sa ten-wheeler truck, giingong murag napalid ang motorsiklo ug mibarag nga mibangga sa kilid nga bahin sa semento.
Nabunal ang ulo sa driver tungod sa kakusog sa impak. Ang mga biktima padayon pa nga giobserbahan sa NMMC. (SVB)
Gipatik sa mantalaang SuperBalita Cagayan de Oro Hulyo 14, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
