Lalaki nakuryente mikirig
-A A +AWednesday, July 18, 2012
OSPITAL ang gipadulngan sa usa ka lalaki human nakuryente sulod sa puloy-anan niini niadtong Martes mga 4:30 sa hapon diha sa Barangay Bulua ning siyudad sa Cagayan de Oro.
Giila ang biktima nga mao si Bryan Jumawan, 32, minyo, residente sa susamang dapit.
Gibutyag sa asawa niini nga nag-ilis og antenna ibabaw sa ilang puloy-anan si Bryan dihang aksidente nga nahuptan ang live wire nga tupad niini niadtong tungora.
Kalit kining mikirig nga miresulta sa pagkasunog sa wala nga bahin sa kamot sa biktima. Ang asawa sobrang nataranta sa hitabo ug nangayo og tabang sa iyang mga silingan hinungdan nga dali sab dayon kining gidala sa Northern Mindanao Medical Center (NMMC).
Sunog sa iyang kamot ug paso-paso sa lain-laing parte sa lawas niini ang naangkon sa biktima.
Ang biktima giobserbahan pa sa mga doktor ning panahona sulod sa emergency room. (SVB)
Gipatik sa mantalaang SuperBalita Cagayan de Oro Hulyo 19, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
