EV-71 dili ikaalarma

DAGHANG mga ginikanan ning dakbayan sa Cagayan de Oro ang nabalaka sa posibleng pagtapot sa sakit nga Enterovirus (EV-71).

Apan si Konsehal Dante Pajo, ang chairman komite sa health and sanitation sa konseho ning siyudad, niklaro nga dili angayan nga maalarma ang mga ginikanan niini.

Giklaro niini nga angayan lamang nga magbantay apan giklaro nga dili pa kini moabot sa nasod labina gyod denhi sa siyudad.

Gibutyag usab ninii nga ang mga health worker nagsugod na sa pag-monitor denhi sa siyudad labina pagsuta kung kinsa ang adunay sakit nga nakasinati sa mga sintomas sa EV-71 kon enterovirus.

Pahimangno ni Pajo nga simpleng pagpanghugas sa kamot ug pagpreparar sa limpyo nga pagkaon ang angayan nga buhaton tungod kay adunay kini similaridad sa sakit nga foot and mouth disease.

Makatakod ang maong sakit ug makasinati ang biktima og hilanat, ubo, sip-on ug uban pa nga simtomas apan giklarong adunay tambal sa maong sakit.

Gikahadlok sa mga ginikanan labina niadtong mga adunay mga anak nga nagtungha human nadawat ang tahong duha ka mga bata sa nasod ang nagpositibo atol sa test sa enterovirus human ang gobyerno nihimo sa ilang pagsuta sa makapatay nga EV-71 diin mikalas na sa 56 ka mga kinabuhi sa mga bata sa nasod sa Cambodia.

Gipasabot nga ang EV-71 usa ka fatal strain enterovirus nga maka-cause sa hand, foot, ug mouth disease, diin wala pa gikumpirma kung nisulod na ba sa nasod sa Pilipinas.