2 ka tinun-an gikuotan
-A A +AFriday, July 20, 2012
DUHA ka mga minor de edad nga tinun-an ang gikawatan og pitaka sulod sa usa ka establisimento niadtong Huwebes mga alas 5 sa hapon sa Cogon ning siyudad sa Cagayan de Oro.
Dungan nga nagpakitabang sa Police Station 2 (PS2) sa Cogon ang mga biktima nga mao sila si Jenylyn Dacer, 14, taga Nazareth, ning siyudad, ug Mylen Fernandez, 15, taga Xavier Heights, ning siyudad.
Unang gisaysay ni Dacer nga samtang anaa siya sulod sa establismento ug magbayad na sa iyang pinalit, kalit lang niyang namatikdan nga wala na ang iyang pitaka hinungdan sa gibati nga kahadlok, kaulaw, ug kabalaka.
Sulod sa iyang pitaka ang kantidad nga P500 nga alang sa iyang balon sunod semana. Gituohang gikuot kini sa bulsa sa iyang bag.
Sa laing bahin, si Fernandez nakaduskubre sad nga wala na ang iyang pitaka dihang nakalabay sa buko vendor ug mopalit unta.
Nagtuo si Fernandez nga didto pa sa establisimento nga iyang gipalitan og mga burloloy nawala ang iyang pitaka labina pagsusi sa iyang bag na-abri na ang zipper niini.
Sulod sa iyang pitaka ang kantidad nga P200 nga balon unta gihapon sa biktima.
Ang kapulisan nitambag sa mga biktima nga isulod gyud sa bag ang mga pitaka ug dili sa bulsa nga dali lang maaabri. (SVB)
Gipatik sa mantalaang SuperBalita Cagayan de Oro Hulyo 21, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
