Bata nalumos sa gatas?
-A A +AMonday, July 30, 2012
DEAD on arrival ang tulo ka bulan nga bata human giingong nadat-ogan sa inahan niini nilabayng adlaw diha sa Barangay 36 ning siyudad sa Cagayan de Oro.
Ang inahan nga mao si Loida Abeza niingon nga sa pagsusi sa doctor giingong na-suffocate sa iyang gididi nga gatas ang bata ug gituohang nalumos.
Apan ang uyoan ni Loida nakakita nga daw nadat-ogan sa inahan ang iyang anak ug natandayan sa tiil niini hinungdan gidali kini og pukaw. Maoy namat-an ni Loida nga lagom na kayo iyang anak ug dili na molihok hinungdan nga gidala sa Maria Reyna Hospital.
Gideklarar nga dead on arrival ang bata nga gidala na karon sa Everlasting Funeral Homes.
Giingong usa gihapon ka bata ang nalumos sa balde sa Barangay Bonbon nilabayng adlawa ug nakabsan sa iyang kinabuhi. (Stephanie V. Berganio)
Gipatik sa mantalaang SuperBalita Cagayan de Oro Hulyo 31, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
