18 anyos gitigbas, kritikal
-A A +ATuesday, July 31, 2012
DILI tiaw ang naangkon sa 18 anyos nga batan-on human gitigbas sa mismong silingan niini niadtong Domingo alas 8:00 sa gabii sa lungsod sa Jasaan, Misamis Oriental.
Giila ang biktima nga mao si Justin Reynaldo, residente sa Upper Jasaan, susamang lungsod.
Gibutyag sa inahan sa biktima nga ang higala niining giilang si Winston Jumawan ang suspek sa pagpanigbas human giingong nagbikil lang ang duha samtang nagstorya.
Gibutyag ni Felisa, inahan sa biktima nga nagsultihanay pa ang mga biktima sa waiting shed apan nakurat dihang kalit nga nagsukmaga, maoy iyang nakita si Winston nga midala og sundang ug gitigbas makaduha ka higayon ang biktima hinungdan sa pagkasamd sa nawong ug bukton niini.
Nasayran nga nagbikil lang ang biktima ug suspek tungod kay naukay ang ilang kanhi bangi sa una. Nasayran nga nahimong uyab sa biktima ang asawa na karon ni Winston.
Ang biktima gidala sa Northern Mindanao Medical Center (NMMC) kinsa ubos pa sa obserbasyon sa mga doktor ning panahona.SVB
Gipatik sa mantalaang SuperBalita Cagayan de Oro Agosto 01, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
