Kapitan gipatay sa nagmotorsiklo

HUSTISYA ang gipangayo sa mga kabanay sa barangay kapitan nga gipusil patay niadtong Biyernes mga alas 10 sa buntag sa siyudad sa Gingoog, Misamis Oriental.

Giila ang biktima nga mao si Kapitan Hugo Cabire, hingkod ang edad, kapitan sa Barangay 26 sa maong siyudad.

Ang kapolisan sa Gingoog Police Station niingon sa ilang inisyal nga imbestigasyon nga duha ka wala mailang suspetsado ang suspek diin usa maoy gunman ug usa maoy driver sa motorsiklo.

Nasayran nga igo lamang nga nagpatubil sa iyang sakyanan ang biktima niadtong tungora sa usa ka gas station sa dapit dihang kalit lang miabot ang maong motorsiklo ug deretsong gipusil ang biktima sa ulo nga maoy hinungdan sa iyang hinanaling kamatayon.

Gamit sa pagpamusil mao ang kalibre .45 diin mga suspetsado yano lamang dayong milakaw sakay sa motorsiklo.

Walay tabon sa nawong ang mga suspek atol sa pagpamusil ug gihulagway nga daw desidido gyod nga mopatay.

Blanko ang kapolisan sa kalambigitan sa biktima labina ang mga residente nag-ila niini nga buotan sa ilang barangay ug maalagaron.

Apan adunay nagtuong daw binuhatan kini sa walhon nga grupo hinuon gipaubos pa kini sa kompirmasyon.

Gihulat na lamang ang CCTV sa maog gasoline station aron makita ug makatabang kini sa kaso. (SVB)