Amahan nakuryente

TALANDUGON kaayo ang kahimtang sa usa ka amahan human maayong pagkasunog sa lawas og pagkaabhak sa likod niini dihang nakuryente niadtong Domingo mga alas 8 sa gabii sa Upper Carmen ning siyudad sa Cagayan de Oro.

Giila ang biktima nga mao si Eleuterio Amundal, 60, sa susamang dapit, kinsa nakaangkon og dili tiaw nga sunog og gidali og dala sa Northern Mindanao Medical Center (NMMC).

Saysay sa anak niini nga maoy naghatod sa iyang amahan sa ospital nga kuyog sila sa iyang amahan og nagtindog sa gawas nga bahin sa ilang puloy-anan.

Sa dihang nakakita ang anak sa maayong paglambod sa wire sa ibabaw nga bahin iya kining gilabay og kahoy hinungdan nga naputol ang live wire og didto mibunal sa likod nga bahin sa iyang amahan hinungdan sa pagkirig niini.

Kritikal ang kahimtang sa biktima tungod sa grabeng naangkon, samtang ang anak sa biktima nagbasol nganong iya pa nga gilabay ang live wire nga mao na hinuon hinungdan sa nahitabo sa iyang amahan.

Ang biktima anaa karon sa emergency room og padayon nga giatiman sa mga doktor. (Stephanie V. Berganio)